Zaburi 99

9 verses

Zaburi 99:1

Uwiteka ari ku ngoma, Amahanga ahinze imishitsi, Yicaye ku Bakerubi, isi iranyeganyega.

Zaburi 99:2

Uwiteka muri Siyoni arakomeye, Kandi ari hejuru y'amahanga yose.

Zaburi 99:3

Bashime izina ryawe rikomeye riteye ubwoba, Ni we wera.

Zaburi 99:4

Imbaraga z'umwami zikunda imanza zitabera, Ni wowe ukomeza ibitunganye. Imanza zitabera no gukiranuka, Ni wowe ubikorera mu Bayakobo.

Zaburi 99:5

Mushyire hejuru Uwiteka Imana yacu, Kandi musengere imbere y'intebe y'ibirenge bye, Ni we wera.

Zaburi 99:6

Mose na Aroni bo mu batambyi be, Na Samweli wo mu bambazaga izina rye, Bambazaga Uwiteka akabasubiza.

Zaburi 99:7

Yababwiriraga mu nkingi y'igicu, Bakitondera ibyo yahamije n'amategeko yabategetse.

Zaburi 99:8

Uwiteka Mana yacu, warabasubizaga, Wari Imana ibababarira, Nubwo wabahoraga ibyo bakoraga.

Zaburi 99:9

Mushyire hejuru Uwiteka Imana yacu, Musengere ku musozi we wera, Kuko Uwiteka Imana yacu ari uwera.