Zaburi 47

10 verses

Zaburi 47:1

Zaburi iyi yahimbiwe umutware w'abaririmbyi. Ni iya bene Kōra.

Zaburi 47:2

Mwa mahanga yose mwe, nimukome mu mashyi,

Zaburi 47:3

Kuko Uwiteka Usumbabyose ateye ubwoba, Ari Umwami ukomeye utegeka isi yose.

Zaburi 47:4

Atugomōrera amoko tukayatwara, Ashyira amahanga munsi y'ibirenge byacu.

Zaburi 47:5

Adutoraniriza umwandu wacu, Ni wo byirato bya Yakobo uwo yakunze. Sela.

Zaburi 47:6

Imana izamukanye impundu, Uwiteka azamukanye ijwi ry'impanda.

Zaburi 47:7

Muririmbire Imana ishimwe, Muririmbe ishimwe, Muririmbire Umwami wacu ishimwe, Muririmbe ishimwe.

Zaburi 47:8

Kuko Imana ari Umwami w'isi yose, Muririmbishe ishimwe ryayo, Indirimbo ihimbishijwe ubwenge.

Zaburi 47:9

Imana itegeka amahanga, Imana yicaye ku ntebe yayo yera.

Zaburi 47:10

Abakomeye bo mu mahanga, Bateraniye guhinduka abantu b'Imana ya Aburahamu. Kuko ingabo zikingira abo mu isi ari iz'Imana, Ishyizwe hejuru cyane.