Zaburi 9

21 verses

Zaburi 9:1

Zaburi iyi yahimbiwe umutware w'abaririmbyi babwirisha inanga ijwi ryitwa Mutilabeni. Ni Zaburi ya Dawidi.

Zaburi 9:2

Ndashimisha Uwiteka umutima wanjye wose,

Zaburi 9:3

Ndakunezererwa ndakwishimira, Usumbabyose ndaririmba ishimwe ry'izina ryawe,

Zaburi 9:4

Kuko abanzi banjye basubira inyuma, Bagasitazwa bakarimburwa no mu maso hawe.

Zaburi 9:5

Kuko wanciriye urubanza rukwiriye rutunganye, Wicaye ku ntebe uca imanza zitabera.

Zaburi 9:6

Wakangaye abanyamahanga, warimbuye abanyabyaha, Wasibanganije amazina yabo iteka ryose.

Zaburi 9:7

Abanzi banjye bashizeho barimbutse iteka, N'imidugudu yabo warayishenye, No kwibukwa kwabo kwarabuze.

Zaburi 9:8

Ariko Uwiteka yicara ari umwami iteka, Yateguriye imanza intebe ye.

Zaburi 9:9

Azacira abari mu isi imanza zitabera, Azaha amahanga imanza z'ukuri.

Zaburi 9:10

Kandi Uwiteka azabera abahatwa igihome kirekire kibakingira, Igihome kirekire kibakingira mu bihe by'amakuba.

Zaburi 9:11

Abazi izina ryawe bazakwiringira, Kuko wowe Uwiteka, utareka abagushaka.

Zaburi 9:12

Muririmbire Uwiteka utuye i Siyoni, Mumuvugirize impundu, Mwamamaze mu mahanga imirimo yakoze.

Zaburi 9:13

Kuko ūhōrera amaraso abibuka, Atibagirwa gutaka kw'abanyamubabaro.

Zaburi 9:14

Uwiteka umbabarire, Reba umubabaro mbabazwa n'abanyanga, Ni wowe unzamura ukankura ku marembo y'urupfu,

Zaburi 9:15

Kugira ngo nerekanire ishimwe ryawe ryose, Mu marembo y'umukobwa w'i Siyoni, Kandi nzishimira agakiza kawe.

Zaburi 9:16

Abanyamahanga baguye mu bushya bacukuye, Mu kigoyi bateze ni ho ikirenge cyabo gifashwe.

Zaburi 9:17

Uwiteka yimenyekanishije yashohoje iteka, Ategesha umunyabyaha imirimo y'intoki ze nk'ikigoyi. Higayoni; Sela.

Zaburi 9:18

Abanyabyaha bazasubizwa ikuzimu, Ni bo mahanga yose yibagirwa Imana.

Zaburi 9:19

Kuko umukene atazibagirana iteka, Kandi ibyiringiro by'abanyamubabaro bitazabura iteka.

Zaburi 9:20

Uwiteka, haguruka abantu bē kunesha, Amahanga acirweho iteka imbere yawe.

Zaburi 9:21

Uwiteka ubatere ubwoba, Amahanga yimenye ko ari abantu buntu. Sela.