Zaburi 126
6 verses
Zaburi 126:1
Indirimbo y'Amazamuka. Ubwo Uwiteka yagaruraga abajyanywe ho iminyago b'i Siyoni, Twari tumeze nk'abarota.
Zaburi 126:2
Icyo gihe akanwa kacu kari kuzuye ibitwenge, N'indimi zacu zari zuzuye indirimbo. Icyo gihe bavugiraga mu mahanga bati “Uwiteka yabakoreye ibikomeye.”
Zaburi 126:3
Uwiteka yadukoreye ibikomeye, Natwe turishimye.
Zaburi 126:4
Uwiteka, abajyanywe ho iminyago utugarure, Tumere nk'imigezi y'i Negebu.
Zaburi 126:5
Ababiba barira, Bazasarura bishima.
Zaburi 126:6
Nubwo umuntu agenda arira asohoye imbuto, Azagaruka yishima azanye imiba ye.