Zaburi 130

8 verses

Zaburi 130:1

Indirimbo y'Amazamuka. Uwiteka, njya ngutakira ndi imuhengeri.

Zaburi 130:2

Mwami, umva ijwi ryanjye, Amatwi yawe atyarire kumva ijwi ryo kwinginga kwanjye.

Zaburi 130:3

Uwiteka, wagumya kwibuka ibyo dukiranirwa? Mwami, ni nde wazahagarara adatsinzwe?

Zaburi 130:4

Ahubwo kubabarirwa kubonerwa aho uri, Kugira ngo wubahwe.

Zaburi 130:5

Ntegereza Uwiteka, Umutima wanjye urategereza, Kandi ijambo rye ni ryo niringira.

Zaburi 130:6

Umutima wanjye ugirira Uwiteka amatsiko, Urusha uko abarinzi bayagirira igitondo, Ni koko urusha uko abarinzi bayagirira igitondo.

Zaburi 130:7

Wa bwoko bw'Abisirayeli we, ujye wiringira Uwiteka, Kuko imbabazi zibonerwa aho Uwiteka ari, Kandi aho ari ni ho habonerwa gucungurwa kwinshi.

Zaburi 130:8

Kandi ni we uzacungura ubwoko bw'Abisirayeli, Abukureho ibyo bwakiraniwe byose.

← Zaburi 129Zaburi 131 →